Свет
14. јуни 2017 - 17:33

Берлин против исламскиот екстремизам ќе се бори со 100 милиони евра

Според планот на германските министерства за семејство и за внатрешни работи, во битката против екстремизмот и исламскиот радикализам државата ќе потроши околу 100 милиони евра.

Како што јави дописникот на МИА од Берлин, ова денеска го најави новата минситерска за семејство и младина Катарина Барли, која повика на нов сојузен закон против екстремизмот што ќе содржи проекти и иницијативи кои ќе превенираат екстремизам.

- Не смееме да чекаме младите луѓе да бидат редикализирани. Безбедноста и превенцијата мора да одат рака под рака“, изјави Барли на прес конференција во Берлин.

Според неа, битката за превенција на радикализмот мора да се води во училишните дворови, на интернет, но и в затвор. Таа во исто време го отфрли барањето на баварскиот министер за внатрешни работи Јоаким Херман, кој побара службите за безбедност да вршат мониторинг на помлади малолетници под 14 години осомничени за контакти со исламистички групи.

Во Германија сега е дозволен мониторинг на деца над 14 години.