Белград повеќе нема да реагира на изјавите на хрватските функционери
Официјален Белград соопшти дека повеќе нема да одговара на изјавите на хрватските функционери, во обид да се запре препукувањето меѓу двете соседни земји.
- Српските министри од денеска ќе се воздржуваат да реагираат на изјавите од Хрватска и од тамошните функционери. Не затоа што тие се големи, а ние сме мали, или затоа што ние се плашиме од нив, туку затоа што сакаме да се престане со политиката, со која сакаат Хрватска и Србија да ги прикажат како две недораснати и незрели држави кои играат меѓусебе пинг-понг, изјавил во Белград српскиот премиер Александар Вучиќ.
Неговата изјава доаѓа по реакцијата на актуелниот хрватски министер за надворешни работи Миро Ковач во која тој ја осудува изјавата на Вучиќ, дадена на одбележувањето на усташките злосторства од Втората светска војна, одржано минатата недела во Република Српска, во БиХ.
Српскиот премиер како и неколкумина владини министри бараат од Загреб да се „откаже од усташкото минато„ на што министерот Ковач порача дека Хрватска (во иднина) ќе биде „строга и чесна„ кон Србија, но и дека за да се гради добрососедство, треба да се измени и сегашната (српска) реторика.
Актуелната ситуација на затегнати односи меѓу Белград и Загреб ќе предизвика Вучиќ да не ја прифати поканата на премиерот на Хрватска, Тихомир Орешковиќ за учество на Форумот во Дубровник, што почнува во четврток, посветен на јакнењето на Европа и поврзувањето на Северот и Југот, пишуваат белградските медиуми.
Медиумите ја пренесуваат изјавата на премиерот Вучиќ за тоа дека „најверојатно нема да патува во Дубровник„ објаснувајќи дека не гледа што битно би можело да се направи.
Претходно загрепски „Вечерњи Лист“ јави дека Вучиќ ја прифатил поканата на Орешковиќ.
Ново на Сител
-
Уставен го укина застарувањето на долгови, ќе се извршуваат и после 10 години
-
Над 120 инспектори на терен проверуваат дали се почитува одлуката за замрзнати маржи
-
Поднесено обвинение против Бесија Иљази - Исплаќала плата на лица кои не биле работно ангажирани на Токсикологија
-
Возачот на заменик министерот за култура приведен - Вербално нападнал полицајци
-
Таравари смирува по заострената реторика во владината коалиција - СДСМ пак, бара одговорност од Гаши за Законот за бранители
-
Здружението на воени ветерани бара наместо нов, да се почитува постоечкиот закон од 2002 година
-
Вирусите почнаа да ги полнат болниците
-
Се поголем број студенти заминуваат во Словенија, Владата им нуди поволни услови за бизнис за да ги врати дома