Бектеши во посета ТЕЦ Осломеј и фотонапонската централа Осломеј
Министерот за економија Крешник Бектеши и заменик генералниот директор на ЕЛЕМ Фатмир Лимани денеска ќе го посетат ТЕЦ Осломеј и локацијата предвидена за изградба на фотонапонската централа Осломеј, инвестиција од седум милиони евра.
Фотоволтаичната електрана ќе се гради на веќе постоечкиот рудник во околината на РЕК Осломеј на 15 хекатари земјиште. За нејзината изградба Владата во петокот потпиша договор со Европската банка за обнова и развој за заем од 5,9 милиони евра. Останатите 1,1 милиони евра потребни за реализација на инвестицијата ќе бидат обезбедени од сопствени средства на ЕЛЕМ.
Согласно договорот, предвидено е поранешните наоѓалишта на јаглен во РЕК Осломеј за околу една година да бидат покриени со 10 мегаватна фотоволтаична мрежа. На таа локација ќе биде изградена фотоволтаична централа во која ќе бидат ангажирани околу 1.000 вработени во „Осломеј“ откако ќе поминат содветна едукација.
Вкупното годишно производство од фотоволтаичната електрана е планирано на околу 15 гигават часови, доволни за покривање на годишните потреби на околу 2.000 домаќинства.
Ново на Сител
-
Муртезани во Брисел го претстави планот со кој ќе ја враќаат довербата во правосудството
-
Тема на денот со Стојанче Ангелов, претседател на „Достоинство“
-
Преглед на вестите од светот
-
Од денеска замрзнати маржи - Има ли промена на цените во маркетите?
-
Законот за бранители на СДСМ ја ниша коалицијата на ВМРО-ДПМНЕ и ВРЕДИ
-
Муртезани во Брисел го претстави планот со кој ќе ја враќаат довербата во правосудството
-
Поднесена декларација во бугарското Собрание, се бара ЕУ да ги осуди навредите кон бугарските политичари
-
ДЗР: На неврологија лани најголем дел од прегледите биле за итни случаи или со врски