Барние: Нема начин ЕУ и Лондон да склучат трговски договор пред Брегзит

Нема никаква можност Брисел и Лондон да успеат да склучат договор за слободна трговија до март 2019 година, кога Велика Британија ќе ја напушти Унијата, изјави главниот преговарач на ЕУ за Брегзит, Мишел Барние.

Коментирајќи го ставот на Лондон дека трговски договор ќе може да се потпише многу брзо откако Велика Британија ќе излезе од ЕУ, Барние го повтори официјалниот став на ЕУ дека во моментот на Брегзит ќе биде подготвена само „политичка декларација“ во која ќе бидат наведени идните трговски односи.

- Усогласувањето на договорот за слободна трговија ќе одземе повеќе време, изјави Барние и додаде дека не треба да има „никакво отстапување“ од страна на Велика Британија за висината на „сумата по разводот“ која беше договорена минатата недела, доколку Лондон сака да преговара за идните односи.

Барние изрази надеж дека на почетокот од следната година ќе може да претстави почетна варијанта на договорот за Брегзит