Косово: Непотребна е улогата на УНМИК

Министерството за надворешни работи на Косово оцени дека е непотребна улогата на цивилната мисија на Обединети нации (УНМИК) и покрена иницијатива за намалување на бројноста, а подоцна за укинување на УНМИК.

- УНМИК се претвори во инструмент на Србија и на Русија, а некои нејзини претставници, посебно во северниот дел на Косово, ја користат за други цели, поради што е загрижена косовската Влада, оценува косовското Министерство.

Во соопштението исто така се додава дека мандатот на ЕУЛЕКС е даден од косовскиот Парламент, КФОР се грижи за безбедноста, а УНМИК е непотребна.   

УНМИК годинава побара зголемување на буџетот за осум отсто, но дел од земјите членки на Советот за безбедност на Обединети нации побараа намалување на буџетот и укинување на мисијата.