Бајден: Треба да се разгледаат релациите на Маск со други држави
Американскиот претседател Џо Бајден изјави дека на улогата на странските инвеститори во финансирањето на купувањето на Твитер од 44 милијарди долари од милијардерот Илон Маск треба да се обрне внимание. Бајден смета дека треба да се провери поврзаноста на Маск со странските инвеститори.
Бајден го даде коментарот за Маск како одговор на прашање за време на прес-конференција. Бајден беше прашан дали постапките на сопственикот на Тесла со Арапите во врска со финансирањето на купувањето на Твитер претставуваат закана за националната безбедност на САД.
За купувањето на Твитер, Маск доби финансиска поддршка од саудискиот принц и милијардер Алвалид бин Талал и Катар холдинг, инвестициска компанија во сопственост на државниот фонд на Катар.
„Вреди да се забележи соработката и техничките односи на Елон Маск со другите земји. Не велам дека прави нешто неправилно, но вреди да се провери“, коментира Бајден.
Маск го финансираше најголемиот дел од купувањето на Твитер со сопственото богатство, но 7,1 милијарда долари обезбедија инвеститори, вклучително и милијардерот Лари Елисон, како и странски извори, како што се саудискиот принц Алвалид и Катар холдинг.
Ново на Сител
-
Спасен повреден странски турист во Охрид кој паднал во тешко пристапен терен
-
Главчев: Ќе ги потсетам европските лидери кои се условите за прием на Северна Македонија во ЕУ
-
Приведен бегалец од затвор
-
По вчерашното невреме: Се поплави „8ми Септември“ - Затворени операционите сали
-
Позната е новата цена на струјата
-
Одложено судењето за случајот со спортските ваучери на АМС
-
100 години „СКОПСКО“ – Секој има своја приказна со „СКОПСКО“
-
Левица со кривична пријава против Африм Гаши, поради неодземањето на мандатот на Талат Џафери