Прегазен 66-годишен пешак во Тетово, сторителот побегнал

На 06.01.2025 во 16.30 часот во СВР Тетово било пријавено дека на крстосницата од ул.„Борис Кидрич“ со бул.„Благоја Тоска“ во Тетово патничко возило удрило во Г.Ј.(66) од Тетово, по што возачот со возилото го напуштил местото на настанот, соопшти МВР.

Во несреќата со тешки телесни повреди се здобила Г.Ј., констатирани во Клиничката болница Тетово. Извршен бил увид од увидна екипа од СВР Тетово и се преземаат мерки за расчистување на случајот.