Автомобил удрил 63-годишна жена во Струга

Вчера во Струга автомобил со скопски регистарски ознаки удрил во пешак. Како што соопштуваат од МВР:

„На 13.08.2020 во 10.10 часот на ул.„Прва македонска ударна бригада“ во Струга, товарно возило „пежо“, со скопски регистарски ознаки, управувано од Т.Т.(41) од Битола, удрило во пешакот М.Ј.(63), од струмичкото село Куклиш.

Во незгодата, М.Ј. се здобила со тешки телесни повреди, констатирани во болницата „Св.Еразмо“ во Охрид, каде што била пренесена за укажување лекарска помош. Увид бил извршен.“