Австриската армија времено ги прекина спасувачките операции во Турција
Австриската војска утринава времено ги суспендираше спасувачките операции во Турција, повикувајќи се на тамошната „безбедносна ситуација“ по силниот земјотрес во кој загинаа повеќе од 24.000 луѓе во Турција и Сирија, јави ДПА.
- Имаше напади од одредени групи врз други групи, изјави портпаролот на австриската армија во Виена, без да даде повеќе детали.
Осумдесет и двајца војници од специјалната единица за спасување АФДРУ (Австриска единица за помош при катастрофи) се засолниле во база во турската провинција Хатај „со други меѓународни организации кои чекаат инструкции“, додаде портпаролот.
Австриски тим пристигна во вторникот со 45 тони опрема и успеа да извлече девет лица од урнатините, се вели во соопштението објавено синоќа.
Сè уште останува дека планираното враќање во Австрија е во четврток, но „ситуацијата се разгледува“, рече портпаролот.
Според последните официјални податоци, над 24 илјади лица загинаа во земјотресот со јачина од 7,8 степени според Рихтеровата скала што во понеделникот утрото ги погоди Турција и Сирија. Илјадници згради се урнаа од двете страни на границата, а спасувачите ги интензивираат напорите да најдат преживеани.
Ново на Сител
-
Штипјанка пронашла делови од човечко тело за кои претпоставува дека се на нејзината мајка
-
Почина маж по пад од дрво, приведена неговата невенчана сопруга
-
АА: Братството со Србија го откри вистинското лице на оваа Влада
-
Ердоган: Нетанјаху ќе биде запрен како Хитлер
-
Царинската управа ќе работи на воспоставување на нов граничен премин Клепало
-
Музиката може да поттикне побрз раст и развој на растенијата
-
Јаневска: До крајот на мандатот услови за едносменска настава во сите училишта и ангажирање на 3000 вишок наставници
-
Фудбалски тим од третата грчка лига останал без опремата додека со траект патувал од Крит за Атина