Австријците бираат нов претседател

Екологист, екстремен десничар и поранешен уставен судија се главни фаворити за победа во првиот круг од претседателските избори во Австрија, кои се одржуваат денеска.
Анкетите покажуваат дека на изборите ќе се води неизвесна битка меѓу поранешниот лидер на партијата Зелени, Александер ван дер Белен и кандидатот на екстремнодесничарската Австриска партија на слободата, Норберт Хофер, кои уживаат поддршка на околу 25 проценти од гласачите.
Веднаш зад нив, на третото место е поранешната судијка на Врховниот суд Ирмгард Грис, која на овие избори настапува како независен кандидат. Анкетите покажуваат дека таа можеби се надева на меѓу 20 и 21 отсто од гласовите.
Аналитичарите како значаен момент на овие избори го нагласуваат фактот дека кандидатите на двете водечки партии во Австрија заостануваат зад тројцата фаворити. Така, Рудолф Худсторфер од Социјалдемократската партија на Австрија би требало да освои меѓу 15 и 16 отсто од гласовите, додека Андреас Кол од конзервативната Народна партија на Австрија може да се надева на околу 11 проценти од гласовите.
Иако шефот на државата има главно протоколарни надлежности, ваквите изборни прогнози би преставувале голем удар за социјалдемократите и конзервативците, кои наизменично или во заедничка коалиција владеат со Австрија од крајот на Втората светска војна.
Доколку се остварат ваквите изборни прогнози, тогаш во вториот круг кој ќе се одржи на 22 мај, најверојатно ќе се најдат екологистот Белен и екстремниот десничар Хофер, кои ќе се трудат на свое конто да ги привлечат гласачите на останатите кандидати.
Главна тема на предизборната кампања очекувано беше прашањето за бегалците и миграциската политика, имајќи предвид дека во текот на 2015 година Австрија прими најголем број бегалци меѓу земјите од ЕУ изразено во процент од вкупниот број на нејзиното население.
Право на глас при изборот на наследникот на актуелниот претседател Ханс Фишер в недела имаат околу 6,3 милиони Австријци.
Ново на Сител
-

Зеленски повторно бара членство во НАТО, според него тоа е гаранција за безбедност
-

Уапсен возачот кој возеше во спротивен правец на „Партизанска“ | ВИДЕО
-

Ѓорѓиевски: Уреден просторот кај жичарницата на Водно, обновени клупите и летниковците | ФОТО
-

Приведени девет возачи, петмина управувале возило без положен возачки испит
-

Безживотно тело на 38-годишен маж со прострелна рана пронајдено кај Смилковци
-

Мицкоски: Даваме сè од себе да реализираме проект повеќе и да создадеме подобри услови за живот на граѓаните
-

Франција стравува од ескалација на протестите, 70.000 полицајци и жандарми распоредени на улиците
-

54-годишник од Куманово истурил две шишиња бензин во семејниот дом и се заканувал дека ќе ги запали ќерката и внуката
