Апасиев со инсајдерска информација за сите оние кои се плашат од казни за пописот

Лидерот на Левица, Димитар Апасиев по првиот изминат ден од пописот објави инсајдерска информација за сите оние граѓани кои се плашат од казни за пописот.

- ЗА ОНИЕ КОИ СЕ ПЛАШАТ ОД КАЗНИ...

Инсајдерска информација од попишувач на терен во Државниот завод за статистика: „Здраво, бидејќи обичниот народ се плаши од казни, граѓаните треба да знаат дека ние имаме само АДРЕСИ од Катастар, но не знаеме кој живее во куќите/становите - се додека лицето самото не се идентификува. Па, како би можеле ние да казнуваме, кога немаме такви информации, а ни овластувања!? Може да излезе кираџија или гостин, а не газдата на станот.

Инаку, на првиот ден имавме константен недостаток и проблеми со апликацијата за попишување“ - напиша лидерот на Левица, Димитар Апасиев на Фејсбук.