Американски војник заробен од талибанците ќе биде суден за дезертерство
Американскиот војник Боу Баргдал, кој беше во заробеништво на авганитанските талибанци безмалку пет години, ќе биде изведен на судење пред Вишиот воен суд на САД, под обвинение за дезертерство.
Доколку биде прогласен за виновен, овој припадник на американските вооружени сили може да биде осуден на доживотен затвор.
Претходно, Баргдал требаше да биде суден од понизок воен суд, каде можеше да му биде изречена максимална казна затвор до десет години.
Неговиот случај беше префрлен во Вишиот воен суд, откако во разговор за еден интернет весник во САД, војникот призна дека самиот ја напуштил американската воена база во Авганистан.
Тој рекол дека заминал од својата позиција без дозвола на претпоставените, со намера да предизвика криза за да може да се истакне, како што објаснил, „лошото командување со неговата единица“.
Баргдал (29) беше ослободен од заробеништвото минатата година кога беше разменет за петмина талибанци, затворени во затворот на базата Гвантанамо.
Неговото ослободување беше поздравено од претседателот Барак Обама и од други американски функционери, но случајот набргу стана контроверзен, кога критичарите на размената укажаа дека целата постапка околу војникот е спротивна на официјалната позиција на САД дека нема преговори со терористи.
Републиканскте политичари сега го обвинуваат претседстелот Обама дека ги измамил и сосема погрешно ги информирал околу случајот со размената за американскиот заробеник во Авганистан.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово