Амано: Иран го почитува Договорот за нуклеарната програма

Иран целосно го почитува Договорот за иранската нуклеарна програма, изјави денеска во Техеран генералниот директор на Меѓународната агенција за атомска енергија (МААЕ), Јукија Амано.

Тој нагласи дека Иран ги почитуват своите обврски од догворот и побара тоа да го сторат сите негови потписници.

- Почитување на нуклеарниот договор е особено важно. Ние не сакаме негово анулирање и премнување на други варијанти. Иран целосно ги исполни своите обврски од договорот и сакаме и другите земји да го сторат тоа, рече Амано по средбата со иранскиот потпретседател и шеф на државната Агенција за атомска енергија, Али Акбар Салехи.

Салехи од своја страна изјави дека МААЕ досега не побарала од Техеран да и бидат дозволени нови инспекции на иранските нуклеарни објекти. 

- Иран смета дека Договорот за иранската нуклеарна програма е исклучитечлно важен и не сака тој да пропадне, изјави Салехи.

Главна тема на средбата Салехи-Амано било почитувањето на нуклеарниот договор од страна на Иран.

Договорот за иранската нукеларна програма го склучија Иран и шесте светски сили - Велика Британија, Германија, Кина, Русија, САД и Франција во 2015 година. Со него, Иран се обврза да ја ограничи својата нуклеарна програма, во замена за укинување на меѓунардоните санкции кон Техеран.

Американскиот претседател Доналд Трамп кон средината на месецов го обвини Техерна дека не го почитува договорот и најави дека е моѓно САД да се повлечат од него.