Албанската полиција годинава запленила три милиони евра на граничните премини
Албанската полиција во периодот од јануари до ноември годинава запленила три милиони евра кои не биле пријавени на граничните премини, како што предвидува законот, што предизвикува сомнеж за потеклото на овие пари, кои се обиделе илегално да влезат во Албанија надвор од банкарскиот систем, јави Топ чанел.
Според полициската статистика најголем дел од запленетите средства се евра (два милиони), додека останатите се други валути, долари, британски фунти и швајцарски франци.
Од контролите е докажано дека премини каде што поминале најмногу непријавени пари е меѓународниот аеродром во Тирана и пристаништето Драч.
-Како сторители на ова кривично дело полицијата идентификувала 86 лица, од кои осум се уапсени, а останатите се бранат од слобода. Споредено со истиот период минатата година, нивниот број е речиси двојно поголем. Речиси во сите случаи, само возачите на возилата, каде што се кријат парите, завршуваат со лисици, а истрагата не може да стигне до лицата кои ги поседувале овие пари. Во сите случаи, истражителите се сомневаат дека парите потекнуваат од криминални активности во странство и се наменети да се инвестираат во Албанија, наведува телевизијата.
Последен ваков случај е регистриран пред два дена на граничниот премин Морина, на албанско-косовската граница, кога се запленети 50 илјади евра.
Најголем износ на заплена е реистран пред три години, кога во автомобил „тојота“ во простаништето Драч беа откриени 1,5 милиони евра.
Ново на Сител
-
Две злата за Македонија на јуниорското Светско првенство во кикбокс
-
Организирал игри на среќа преку негова веб страница, уапсен тетовец
-
Охриѓанец ги следел и вознемирувал малолетните ќерки на неговата девојка
-
Скопјанец се самозадоволувал пред малолетнички во парк
-
Неделков: Членовите на СОНК нема да учествуваат на никакви партиски организирани протести
-
Ураганот Шаншан ја погоди источна Јапонија, најмалку шест загинати и стотина повредени
-
Од утре претежно стабилно, температурите повисоки за околу три степени
-
Починал мотоциклист во сообраќајна несреќа кај струмичко