Акиов по вчерашниот инцидент: Не сум гомнар туку борец за правда, се извинувам на правничката за повредата

По вчерашниот инцидент на Советот во општина Кочани преку социјалните мрежи Аки Акиов советникот од Партијата за демократски просперитет на Ромите (ПДПР) порача дека тој не е „гомнар“, туку борец за правда.

„По однос на видеото од денешната седница на совет во о.Кочани кое актуелно циркулира на социјалните мрежи каде притоа јас со моето однесување сум окарактеризиран и јавно осуден за главен виновник во деградацијата на функцијата советник Ром, сакам да изјавам дека:

1. Правото на говор на советниците е непречено право по деловник за работа на советите во општините во Р.С Македонија. Некултурно, крајно неодговорно, нехумано и деградирачки е постојано да се прави хистерија во советничката сала преку урлање, барање паузи, дофрлување навреди на лична основа среде секое мое излагање на вистината што на ВМРОВЦИТЕ не им иде во прилог.

2. Немањето емпатија со родителите на загинатите деца како и самосвест и доблест за признавање а не префрлање вина за трагедијата повторно заради истата цел – да се зачува политичкиот рејтинг пред локалните избори на ВМРО е голема срамота. Денес чашата беше прелеана од советникот Алексов кој што го испровоцира целиот настан својствено за него.

Јас не калкулирам со мојот авторитет и рејтинг. Јас не сум ,,Гомнар”, јас сум борец за правда.

На Правничката од о.Кочани јавно и се извинувам за ненамерно нанесената повреда“, напиша Акиов.

Акиов и советникот на ВМРО-ДПМНЕ, Васе Алексов првин влегоа во вербална конфронтација, по што Акиов замавна со пластично шише полно вода кое заврши во главата на вработена во општината.