Заврши распитот на Дилма Русеф во бразилскиот Сенат

Бразилските сенатори го завршија распитот на привремено суспендираната од должност бразилска претседателка, Дилма Русеф, во рамките на процесот за нејзин импичмент. 

Заседанието започна вчера со 30-минутен збор за Русеф, во кој таа го заштити нејзиното управување. 

Потоа сенаторите ја „нападнаа“ со прашања, на кои таа одговараше 14 часа. Процесот заврши околу полноќ. 

Се предвидува денеска Сенатот да ја започне процедурата за окончување на гласањето дали Русеф ќе биде трајно отстранета од должност.

Нејзините противници ја обвинија за нарушување на финансиското законодавство, а таа ги отфрли обвиненијата.