За 24 часа 13 сообраќајки во Скопје
На подрачјето на Скопје во изминатите 24 часа се случиле вкупно 13 сообраќајни незгоди. Од нив осум се со последици материјална штета, пет се со последица телесни повреди, во кои со полесни повреди се здобило девет лица.
Како што информира за МИА главниот инспектор Сашо Дамјановски од СВР - Скопје, во текот на изминатите пет дена од страна на сообраќајната полиција откриени се поголем број на прекршоци.
Еден возач го управувал своето возило под дејство на алкохол и бил исклучен од сообраќај, а четворица возачи не отстапиле првенство на минување во крстосница. Девет возачи за време на управување на моторните возила не го користеле сигурносниот појас или го користеле мобилниот телефон.
Вкупно 49 возачи непрописно паркирале возила. Четири лица управувале возила без да поседуваат возачка дозвола, а 11 возачи го управувале возилото по истекот на важноста на сообраќајната дозвола.
Со помош на специјалното возило „пајак“, отстранети се 67 возила. Четворица возачи не отстапиле првенство на минување на пешаци.
Во делот на превентивните активности денеска ќе се одржат едукативни работилници со учениците од второ одделение во ОУ „Ѓорче Петров“ и со ученици од второ одделение од ОУ „Јоаким Крчовски“ во општина Ѓорче Петров. мд/09:16
Ново на Сител
-
Брнабиќ: Во следните 48 часа ќе има седница на која Вучевиќ ќе предложи министри за новата влада
-
Две лица се повредени во пожар во фабрика за ракетни погонски системи во близина на Белград
-
Кина испрати воени авиони кон Тајван откако американскиот државен секретар го напушти Пекинг
-
Мотоциклист излетал од патот и удрил во паркирано возило
-
Милановиќ: Хрватска е дното на ЕУ, Бугарија е единствено полоша
-
Судење на Трамп: Издавач на таблоид призна дека ја „закопал“ приказната за аферата со моделот на Плејбој
-
Гир: Првиот круг од изборите мина генерално мирно и демократски
-
Пронајдено е 76-годишното лице во кавадаречко по кое се трагаше од вчера