Вучиќ: ЕУ, Русија, Кина и САД се стратегиските цели на српската надворешна политика
Развивање на односите со Европската унија, Русија, Кина и САД ќе биде стратешка цел на новата српска Влада, изјави денеска Александар Вучиќ на неговата последна прес-конференција како премиер на Србија, пред да стапи на претседателската функција.
- Ние треба да работиме многу и да го градиме имиџот на Србија, за да можеме да се потпираме на помошта од меѓународната заедница. Сигурен сум дека ЕУ ќе биде стратегиска цел на Владата, како и продолжување на пријателските односи со Русија, Кина и САД, нагласи Вучиќ.
Претходно денеска, Вучиќ наведе дека земјата нема да стане членка на НАТО, јави ТАСС.
Тој истакна дека Србија сака да остане воено неутрална земја и поради тоа инвестира средства во нејзината одбрана.
Тој забележа дека членството во НАТО би можело да реши многу проблеми, но би го вознемирило населението, бидејќи тое би било против волјата на 75 отсто од нив.
Одговарајќи на прашање на лидерот на радикалите Воислав Шешељ за тоа колку време планира „да седи на две столчиња“ и да води политика со Русија и со ЕУ, Вучиќ потенцираше дека „за него се приоритет интересите на Србија“.
- Тоа не се „две столчиња“. Шешељ избира еден од столчињата отстрана, а јас ја избирам таа во средината, српскиот столица, и не сакам да изберам друга, посочи новоизбраниот српски претседател.
Зборувајќи за проектот за Голема Албанија, што предвидува обединување на сите територии на кои живеат Албанци (Албанија, дел од Грција, половина Македонија и Косово), Вучиќ истакна дека тој е неисполнив и дека Србија ќе направи се што е можно со цел да попречи за негово остварување.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот