Во Велес ќе се засадат околу 30 илјади садници
Во акцијата „Ден на дрвото 2016“ во околината на Велес на површина од 10 хектари ќе се засадат од 25 до 30 илјади садница од млади дрвца. Акцијата ќе се изведе на локацијата Дерин дере во непосредна близина на Градската депонија на Велес, а и годинава ја организира Подружницата на Македонски шуми ШС „Бабуна“ Велес во соработка со општина Велес.
Во акцијата „Ден на дрвото 2016“ ќе учествуваат ученици, вработените во јавните претпријатија од градот, припадниците на АРМ од велешкиот гарнизон, пензионери и членови невладини и еколошки организации, како и сите заинтересирани граѓани кои сакаат самоиницијативно да се вклучат во акцијата за пошумување.
Организаторите обезбедија и бесплатен автобуски превоз до локацијата за пошумување. Автобусите ќе поаѓаат во 9 часот кај ОССУ „Коле Неделковски“, како и на постројката за автобус пред Основниот суд и кај ЕВН ЕСМ Велес. На овие две места автобус ќе има и во 11 часот.
Акцијата „Ден на дрвото - Засадија својата иднина“ во Велес се спроведува од 2008 година од кога секоја година континуирано на повеќе локации во околината на Велес и езерото „Младост“ се засадени повеќе илјади садници млади дрвца.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа