Во Куманово акција „Повлечи потег, заштити го својот имот од кражби“
Кумановската полиција ја почна акцијата „Повлечи потег, заштити го својот имот од кражби“. Целта е да се подигне свеста и интересот кај граѓаните за самозаштита и заштита на заедницата, да се подобри личната безбедност, како и градењето партнерство меѓу граѓаните и полицијата при решавање на проблемите.
- Зачестените обивања во домовите и кражбите во летниот период, кога граѓаните се на одмор, е причина за спроведување на ваков проект во јули и август чија цел е преку разновидни активности во соработка со граѓаните и полицијата да придонесат за заштита на имотот на граѓаните, стои во соопштението на СВР Куманово.
Оттаму апелираат граѓаните да преземат поголеми мерки за безбедност и заштита на нивните домови и имотот за време на годишните одмори.
Меѓу препораките кои ги наведува полицијата, а кои треба да ги преземат граѓаните пред заминување на одмор е да ги затворат прозорците и вратите, да не дозволуваат влез на непознати лица во домовите, да пријават доколку забележат нешто сомнително на 192 и да се развиваат добрососедски односи.
Граѓаните треба да ги чуваат вредните предмети на сигурно место, да не се остава впечаток дека се отсутни од дома, а домовите треба добро да се осветлени и по можност да се инсталираат алармни уреди и безбедносни камери.
- Со цел да се спречат провалните кражби во домовите и поради поголема заштита се препорачува да не се објавува отсуството од дома на социјалните мрежи, се наведува во соопштението.
Оваа превентивна кампања се реализира последниве години и освен за летните одмори се спроведува и за поголемите празници. Целта е да се подигне свеста кај самите граѓани за обезбедување услови за поголема безбедност, а се реализира преку давање совети, делење флаери, преку советодавните групи и оддржување на локалните совети за превенција.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово