Во Албанија годинава десет жени убиени во семејно насилство
Албанскиот парламент со посебна резолуција побара од Владата да преземе итни мерки за надминување на проблемите со семејното насилство, поради
Барањето е поради загрижувачките податоци за состојбата со семејното насилство.
- Според полициската статистика годинава во Албанија како последица на семејно насилство убиени се десет жени, меѓу нв и една судијка во Скадар. Иако бројката на жени кои настрадале оваа година е помала за седум отсто во споредба со минатата година, сепак, состојбата е алармантна, објавија дел од албанските медиуми.
Полицијата потврдува дека секојдневно во земјата се апсат по двајца мажи поради физичко насилство во семејствата, додека секоја трета жена трпи насилство во текот на брачниот живот, а пак 90 отсто од жртвите во сејменото насилство се жени.
Амбасадорката на ЕУ во Тирана, Романа Влахутин, на средба со невладиниот сектор изрази загриженост за растот на оваа негативна појава во албанското општество и ја поддржа резолуцијата на Собранието за преземање итни мерки.
- Жените се највредното богатство кое го има Албанија. Тие се изворедно голем капацитет за Албанија, кој не се користи. Одговорноста паѓа врз државата. Државата треба да обезеди систематско решение за проблемите, изјави Влахутин.
Албанија има 2,9 милиони жители од кои половината се припаднички на понежниот пол.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар