-->
-->
ВМРО-ДПМНЕ: СДСМ мора јавно и јасно да се откаже од Тиранската Платформа
-->
Ако СДСМ и Зоран Заев навистина искрено се залагаат за унитарна и мултиетничка Македонија, а не бинационална држава, тогаш јасно и гласно Зоран Заев ќе излезе и ќе каже дека ја одбива Тиранската Платформа и елементите содржани во неа, соопштуваат од ВМРО-ДПМНЕ.
Во продолжение следува интегрален текст од соопштението на ВМРО-ДПМНЕ
За жал ниту СДСМ ниту Зоран Заев не излегуваат со одбивање на Тиранската Платформа и подготвени се да предводат Тиранска Влада базирана на темели на Платформа формирана во странска држава под диктат на странски премиер.
Тие дури одат до таму и велат дека ќе дебатираат по прашања кои се од национален и државен интерес, консултирајќи партиски експерти од потписниците на Тиранската Платформа.
Резултатот од тоа е јасен, во фази да се оствари редефинирање на државата, менување на знаме, химна, грб, воведување на двојазични банкноти и униформи, прогласување на геноцид врз Албанци спроведен од АСНОМ, 1944-та до 1956-та година и редица други одлуки кои го погазуваат интегритетот и идентитетот на македонската држава.
ВМРО-ДПМНЕ останува на својата принципиелна понуда. Доколку СДСМ се откаже од Тиранската Платформа и реализацијата на елементите содржани во неа, ќе му даде поддршка на СДСМ и Зоран Заев да формираат влада.
ВМРО-ДПМНЕ сеуште стои на позицијата дека предвремени парламентарни избори заедно со локалните се решение од кризата, бидејќи граѓаните тогаш ќе може јасно да одлучат дали поддржуваат Тиранска Платформа и елементи содржани во неа. Впрочем токму изборите се најдобрата дебата за прашања од национален и државен интерес. СДСМ доколку процени дека треба Тиранската Платформа да се реализира, тогаш нека ја вметне во својата изборна програма, па нека ја побара поддршката од граѓаните, наместо да им прави изборни измами со наводни планови за живот, кои на крајот се претворија во планови за редефинирање на Македонија.
-->
-->
-->
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО