ВМРО-ДПМНЕ: СДСМ и Спасовски го политизираат МВР
Владејачката ВМРО-ДПМНЕ оценува дека за неполни 24 часа новиот министер за внатрешни работи Оливер Спасовски започнал со спроведување политизацијата на МВР, според партиски насоки.
Во реакција на соопштението на опозициската СДСМ за одлуката на министерот Спасовски за престанување на важноста на овластувањата од претходните министри за раководните лица во Министерството ВМРО-ДПМНЕ наведува дека „за три одлуки на новиот министер се издадени три партиски соопштенија во одбрана на неговата партиска агенда во МВР.“
Според ВМРО-ДПМНЕ, СДСМ веќе покажале како ќе го политизираат МВР од штабот на „Бихаќка“ во наредните шест месеци.
- Со партиско соопштение СДСМ се обиде да го одбрани Спасовски од медиумите кои ја објавија неговата прва одлука на Спасовски како министер да си приграби ново модерно „Ауди“ за свој службен автомобил. Со партиско соопштение СДСМ се обиде да го одбрани Спасовски од медиумите кои објавија дека како министер си обезбедил дипломатски пасош за кој не сакал ниту да се слика „како сите смртници“ туку наредил опремата за сликање да биде однесена во неговиот кабинет. Со партиско соопштение СДСМ се обиде да го одбрани Спасовски од медиумите и за третата одлука како министер, односно телеграмата што беше објавена и со која го развластил цело МВР, парализирајќи ја полицијата и доведувајќи ја Македонија во опасност, наведува во реакцијата ВМРО-ДПМНЕ.
Ново на Сител
-
Излезноста до 9 часот изнесува 3,85 отсто
-
Медиуми: УЕФА ќе дозволи 26 фудбалери на ЕУРО2024
-
Тајланд сака да биде домаќин на трка во Формула 1
-
Маж во САД ги убил сопругата и трите деца по што се самоубил
-
Наставниците во Тенеси ќе можат да носат пиштоли на училиште
-
Може да гласаат и граѓаните со истечени лични документи од 24 јули 2023 година
-
Упатство за гласање на претседателските избори
-
Отворени избирачките места, право на глас имаат 1.814.317 граѓани