ВМРО-ДПМНЕ: Правосудните органи не работат согласо закон, туку по диктат на власта
СЈО и правосудните органи се ставија целосно во функција на хунтата на Зоран Заев и наместо да постапуваат согласно закон тие служат само за политичка пресметка со неистомисленици.
Апсурдните упади во домовите се класична форма на политички притисок и заплашување на секој кој не ги поддржува деструктивните политики на СДС. Тие имаат за цел кршење на било каков отпор по однос на антидржавните политики кои ги реализира Заев.
Активностите на СЈО секогаш служат за создавање димна завеса и дефокус на јавноста од реалните проблеми на граѓаните, со што медиумите под контрола на власта наместо да известуваат за катастрофата со која што се соочува државата и граѓаните, добиваат коска во форма на монтирани политички случаи на СЈО и судството под контрола на хунтата.
Со доаѓањето на хунтата на власт правосудните органи не работат согласно закон, туку по диктат на власта. Не се почитуваат Уставот, законите и процедурите, а правосудните органи станаа обична алатка за политички прогон.
На удар на киднапираното судство се само членови и симпатизери на ВМРО-ДПМНЕ и искрени патриоти кој си ја сакаат државата. Сите незаконски постапки во иднина ќе бидат ревидирани, а секој што слепо извршувал политички наредби наместо да го почитува законот ќе биде соодветно санкциониран.
Ново на Сител
-
Сашо Мијалков излегува од затвор
-
Вучиќ пристигна во Њујорк заради гласањето на резолуцијата за Сребреница во ОН
-
Путин назначи нов заменик министер за одбрана
-
Гвардиола: Поблиску сум до заминување, отколку до останување во Сити
-
Утре сончево со умерена облачност, попладне со дожд и грмежи
-
Уапсен е врховниот судија Наке Георгиев поради поткуп
-
Откако не му дале пари, со нож се заканил на својот татко дека ќе го убие
-
Сапунот од кокос - благотворен против комарци