ВМРО-ДПМНЕ поднесе кандидатски листи, СДСМ, ДИУ и ДПА не одат на избори
ВМРО-ДПМНЕ до Државната изборна комисија (ДИК) синоќа поднесе листи со имиња на кандидати за пратеници, за предвремените парламентарни избори закажани на 5-ти јуни. Листи до ДИК, како што претходно најавија, не доставија СДСМ, ДУИ и ДПА.
Листите со имињата на кандидатите во ДИК ги поднесоа претставници на Унијата на млади сили на ВМРО-ДПМНЕ. Претседателот на ВМРО-ДПМНЕ Никола Груевски е носител во првата изборна единица, во втората министерот за надворешни работи, Никола Попоски, во третата координаторот на пратеничката група, Илија Димовски. Носител на листата во четвртата изборна единица е министерот за здравство, Никола Тодоров, во петтата Антонио Милошоски, а пратеникот Влатко Ѓорчев во шестата изборна единица.
Како што изјави претседателот на УМС, Владимир Неловски, според ВМРО-ДПМНЕ, исполнети се сите услови за фер и демократски избори.
До ДИК вчера листи со кандидати поднеле и партијата Народно движење за Македонија (НДМ) на Јанко Бачев и Социјалдемократската партија на Македонија на Бранко Јаневски.
Според Роковникот за извршување изборни дејствија за предвремените парламентарни избори на 5 јуни, синоќа на полноќ истече рокот за поднесување листи на кандидати за пратеници во Собранието на Република Македонија.
По добивањето на листите, ДИК има 48 часа да утврди дали листата на кандидати е поднесена во утврдениот рок и дали е составена во согласност со одредбите на Изборниот законик. Евентуалните недостатоци, подносителите на листите ќе треба да ги отстранат исто така во рок од 48 часа.
Ново на Сител
-
Игор Јуриќ: Да бидеме подготвени на најлошото, но да не се предаваме - верувам во чудо
-
Почина уште едно повредено лице во терористички напад во Москва
-
ВМРО-ДПМНЕ ја официјализираше својата коалиција
-
Мицкоски очекува ТВ дуел со Ковачевски
-
МТСП: Понеделник неработен за граѓаните од католичка вероисповед
-
Се уште нема трага од двегодишната Данка, потрагата продолжува
-
Индустриското производство во февруари зголемено за 0,3 отсто
-
ДЗС: Струјата во второто полугодие лани поскапела за 8,2 отсто