Македонија
21. February 2017 - 14:30

ВМРО-ДПМНЕ: Новата градинка во општина Центар изградена неквалитетно

 ВМРО-ДПМНЕ денеска обвини дека новата градинка во општина Центар, за која беа потрошени два милиони евра, е изградена неквалитетно.

- Плочникот во дворот веќе е целосно руиниран и уништен. Автомобили поминуваат и се паркираат врз него секој ден. Се полни со вода и при најмал дожд, истакна Илија Илијовски, претседател на ОК на ВМРО-ДПМНЕ од Центар.

Тој додаде дека градоначалникот на општина Центар, Андреј Жерновски троши пари од граѓаните за изградба на неквалитетни градинки и боемски улици и за градба на училиште кое се уште не е изградено.  

- Да се занимаваше барем малку со потребите на центарци, немаше општина Центар да биде со најмалку капитални проекти од сите општини, рече Илијовски.