ВМРО-ДПМНЕ: Катастрофална состојбата во Струмица по врнежите од снег
ВМРО-ДПМНЕ денеска преку соопштение обвини за нерасчистени улици во Струмица и негрижа на локалната самоуправа за населението.
- Катастрофална е состојбата во Струмица по врнежите од снег и студеното време, а најголема вина за тоа носи незаинтересираниот и неспособен градоначалник Зоран Заев кој граѓаните ги остави на цедило, се наведува во соопштението.
Според партијата, минатиот викенд во Струмица повеќе од 30 лица побарале медицинска помош поради повреди при лизгање и паѓање на мразот кој Заев и локалната самоуправа не го исчистиле од струмичките улици, а 12 струмичани се здобиле со скршеници.
- За жал, деновиве слушнавме и за два трагични случаи со фатални последици за време на поларниот студ во Струмица. Еден живот згаснал поради премрзнување, а вториот додека брзата помош не можела да стигне да интервенира поради неисчистените патишта во општината на Зоран Заев. За ова аболицираниот криминалец мора да понесе одговорност. Додека тој се луксузира и забавува во монденски одморалишта, неговите граѓани добиваат препораки од лекарите да не излегуваат од дома за да не си скршат раце и нозе на мразот кој не го исчистил, се наведува во соопштението.
Од ВМРО-ДПМНЕ велат дека хаосот во Струмица е доказ за неспособноста на Заев, кој, наведуваат, никогаш не го интересирале граѓаните и нивните животи, туку луксузот и личното богатење.
- Истото што го направи со милионите од Глобал го прави со милионите од струмичкиот гас, го прави со дивоградбата на Цареви кули и со сите криминални тендери во општината, стои во соопштението.
Ново на Сител
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево
-
14-годишник ненадејно починал во битолско, му се слошило додека бил на роденден
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат