Владејачката ЦДУ на Меркел со предлог-препораки за бегалците
Христијанско демократска унија (ЦДУ) на германската канцеларка Ангела Меркел објави нови препораки за бегалците, кои сакаат да останат во Германија, јави дописникот на МИА од Берлин.
Препораките се содржани во планот на ЦДУ наречен „Охрабри и барај“ и предвидуваат бегалците покрај тоа што ќе добијат помош при барањето работа и стекнување образование, да се придржуваат на одредени правила, доколку сакаат да останат во земјата.
Според предлогот на ЦДУ, секој што нема да се придржува на препораките може да биде вратен во својата матична земја со што според партијата, ќе се намали бројот на неоснованите барања за азил во Германија.
Планот предвидува интеграција на новодојдените бегалци, кои по регистрацијата ќе добиваат информативен пакет на мајчин јазик во кој ќе бидат објаснети законите и социјалните правила во Германија.
Една од причините за ваквиот пристап на ЦДУ се новогодишните сексуални насилства врз стотици жени во Келн и други градови, каде голем дел од напаѓачите беа бегалци или илегални мигранти.
Според предлог-планот за интеграција на бегалците, се предвидуваат основни курсеви по германски јазик со постојани тестови за направениот напредок. Според мерките, бегалците ќе можат да се запишат на факултет, а при барање работа ним ќе им помагаат службеници за вработување.
Ново на Сител
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат
-
Казнет и протеран од Косово брачен пар од Русија кој беше уапсен поради нелегален влез од Србија
-
Курти со опозицискиот лидер Красниќи разговарал за одржување предвремени избори во Косово
-
Бајден го потпиша законот за забрана за увоз на збогатен ураниум од Русија
-
Состојба на патиштата
-
Телефонски разговор Ципрас-Заев: Ја истакнале важноста на почитувањето на Договорот од Преспа