Викторија Нуланд во посета на Албанија и Косово
Десет дена пред да седницата на албанскиот Парлемент на која треба да бидат усвоени реформите во правосудството, САД прават директен напор за да ја убедат албанската политичка елита да ги поддржи уставните измени, јави дописникот на МИА.
За таа цел, денеска попладне во Тирана ќе престојува помошникот државен секретар на САД за европски и евроазиски прашања, Викторија Нуланд.
Според агендата која ја објавуват албанските медиумите, Нуланд во Тирана ќе се сретне со шефот на албанската дипломатија Дитмир Бушати и со лидерот на најголемата опозициска сила, Демократската партија, Љуљзим Баша, ќе има средба со претставници на граѓанскиот секор, а посета на Албанија ќе ја заврши со заедничка вечера со премиерот Еди Рама.
САД директно инвестираше во реформите на албанското правосудсво, преку мисијата ОПДАТ, но и преку постојаните напори на американскиот амбасадор во Тирана, Доналд Лу, кој деновиве упати писмо до пратениците на албансккот Парламент со кое ги повика да гласаат за предложените реформи.
Нуланд денеска ќе престојува и во Пришина, каде е предвидено да се сретне со косовскиот претседател Хашим Тачи, со спикерот на Парламентот Кадри Весели, со премиерот Иса Мустафа, со потпретседателите на Владата, Хајредин Кучи и Бранимир Стојановиќ,како и со шефот на дипломатијата Енвер Хоџа.
На срдбите ќе стане збор за последните случувања во Косово,посебно прашањето околу демаркацијата на границата со Црна Гора.
Не се прдвидени средби на Нуланд со косовската опозиција.
Ново на Сител
-
Кривична пријава против двe лица кои со измама изнудувале пари од охриѓани
-
Сообраќајка на патот Битола - Демир Хисар, сообраќајот во прекин во двата правца
-
Прв закон за реорганизација на управата
-
Демири бара од Владата итно да се смени компресорската станица за да проработат хируршките сали
-
Претседател на Уставен суд не се одбра, седницата продолжува утре
-
Пропаднаа два обиди да се избере претседател на Уставниот суд
-
ДИК: Завршија парламентарните избори, Азизи нов пратеник на местото на Касами
-
Велосипедист удрил дете и избегал, девојчето тешко повредено