Вехабисти осомничени за тероризам ја тужат БиХ
Група вехабисти, кои босанските власти ги осомничија дека подготвувале терористички напади во Сараево за време на ланските новогодишни празници, најавија дека ќе ја тужат државата Босна и Херцеговина за „нанесени морални и метеријални штети“, објави сараевскиот весник „Дневни Аваз“.
По налог на Јавното обвинителство на БиХ, во декември 2015 година босанската полиција уапси 11 вехабисти под сомнеж дека подготвуваат терористички напади.
Јавниот обвинител на БиХ, Дубравко Чампара тогаш обвини дека осомничените се „опасни терористи, кои планирале убиство на најмалку 100 лица“.
Врз основа на ваквото обвинение, Судот на осуммина од вехабистите им одреди мерка притвор во траење од 30 дена.
По речиси една година, Јавното обвинителство се откажа од натамошен прогон на осомничените, со образложение дека „нема основа за покренување обвиненија против нив“.
Поради ова, како што наведува „Дневни аваз“, 11-мината вехабисти сега најавуваат дека ќе поднесат тужба против државата за поткопување на нивниот углед, нагласувајќи дека повеќето од нив останале без работи поради ваквите неосновани обвинувања.
Според податоците на безбедносните служби на БиХ, во земјата постојат 22 вехабиски заедници, кои го практикуваат традиционалното конзервативно исламско учење и кои одбиваат да се приклучат кон Исламската верска заедница на Босна и Херцеговина.
Ново на Сител
-
Силно невреме ја зафати Хрватска | ВИДЕО
-
Скопјани нападнале и ограбиле маж на Камени мост
-
52 годишен скопјанец со пиштол и нож ограбил продавница, при бегање паднал и завршил во болница
-
Кривична пријава за родители од Штип - Ги заклучиле децата во автомобил и отишле во казино
-
Полицаец и германски политичар избодени со нож сред плоштад во Мајнхајм, Германија | ВИДЕО
-
Пад од 1,2 проценти на индустриското производство во април
-
Поскапени поштенските и курирските услуги
-
Хоспитализирани нови четири лица со голема кашлица, вкупно 661 случај во државава