Утре закажано продолжение на Комисијата за финансирање и буџет
Во Собранието на Република Македонија за утре е најавено продолжение на седницата на Комисијата за финансирање и буџет на која почна расправата по Предлог-буџетот за 2018 година.
Расправата за буџетот започна во понеделникот на 27 ноември и според деловникот трае 10 работни дена. За вчера беше најавено продолжение, но по информациите за приведувањата за насилствата во Собранието на 27 април годинава, меѓу кои и на пратеници, седницата беше одложена најнапред без образложение, за потоа да биде посочено дека тоа е сторено поради технички причини.
Според Деловникот за работа на Собранието, општиот претрес и претресот по амандманите по предлогот на буџетот на седницата на матичното работно тело и на Законодавно-правната комисија може да трае најмногу вкупно десет работни дена. Материјалот од седницата со прифатените амандмани повторно се доставува до Владата, која подготвува дополнет предлог. Владата го враќа дополнетиот предлог до Собранието, чиј претрес трае најмногу пет дена. На предложениот текст поднесени се 279 амандмани.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција