Уништена урбана опрема во центарот на Македонска Каменица
Урбана опрема, канделабри, млади садници и дел од експонатите во Паркот на рударите во Македонска Каменица викендов биле уништени од вандали, соопштија од Оштината.
Градоначалникот Дарко Митевски го осуди овој вандалски чин и ги повика жителите на поголема свест.
-Ние инвестиравме изминатиов период во центарот на Македонска Каменица со цел да го подобриме изгледот на градот. Деновиве сме сведоци дека несовесни граѓани уништија голем дел од урбаната опрема, тука се канделабрите на новата улица„Филип Втори“ потоа експонатите во Паркот на рударите, уништени се и млади садници кои придонесуваат за подобар хортикултурен изглед на зелените површини во градот. Сето ова остава сега лоша слика за градот, рече Митевски.
Тој апелираше до граѓаните за поголема свест и доколку забележат дека некој уништува тоа и да го пријават.
-Нашите служби за обебзедување овој период ќе ги зачестат контролите во централното подрачје. Јас сугерирам на граѓаните секој којшто ќе забележи такво несовесно однесување со општествениот имот да го пријават во полиција или кај нас, за да може секој да биде санкциониран и да си носи последици за вандалското однесување, потенцираше Митевски.
Штетите допрва ќе се пресметуваат, а Општината веќе работи на нивно санирање.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат