Убиен лидерот на Исламска држава
Лидерот на т.н.Исламска држава Абу Бакар Ал Багдади наводно е убиен во американски возушен удар во ирачкиот град Рака, соопшти денеска новинската агенција блиска до џихадистите Ал Амак.
„Абу Бакар Ал Багдади е убиен при напад на коалициските сили во Рака, извршен во петиот ден од Рамазан“, ја пренесува ТАСС веста на новинската агенција Амак.
Друг извор соопштува дека Ал Багдади бил убиен во реонот на Мосул во Ирак, пишува британскиот весник „Дејли меил“.
Ирачките безбедносни сили лиферуваа соопштение кое гласи: „Ирачки авион уништи конвој со кој Ал Багдади патувал кон Кербала за да присуствува на средба со терористички лидери од ИД“.
Минатата недела ирачката телевизиска станица „Ал Сумарија“ информираше дека Ал Багдади и членови на неговото поблиско опкружување биле повредени при воздушен удар на коалицијата против еден од командните центри на групата во Ирак, недалеку од сириската граница. Коалицијата тогаш не ја демантираше, но не ја ни потврди оваа информација.
Во минатото неколку пати се појавуваа информации за ликвидирање или ранување на Ал Багдади но тие се покажаа како неточни.
Ново на Сител
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа