Тачи: Белград ги вооружува Србите во Косово
Косовскиот претседател Хашим Тачи тврди дека Белград ги вооружува Србите на Косово со цел да се одбранат од, како што вели тој, наводните напади од Албанците.
Тачи во интервјуто за албанскиот сервис на „Дојче веле“ истакна дека Приштина одлучила оти нема да му дозволи на Белград на каков било начин да се приближи до границите на Република Косово, или во спротивно не може да гарантира дека нема да дојде до вооружени судири, пренесува Танјуг.
Косовскиот претседател оцени дека потпорниот ѕид покрај реката Ибар во северна Митровица, апсењето на лидерот на Алијансата за иднината на Косово Рамуш Харадинај во Франција и возот, што од Белград требаше да оди до Митровица, се провокации на Белград инспирирани од „рускиот модел“.
- Косово е подготвено да одговори на овие провокации. Имаме информации дека во возот имало оружје и припадници на обучените паравоени единици кои имале намера да влезат на Косово и да го дестабилизираат, наведе Тачи во интервјуто што беше објавено еден ден по обновувањето на бриселскиот договор меѓу Белград и Приштина.
Тачи тврди дека со тоа е препознаена намерата на Србија за поделба на Косово.
Запрашан дали има докази со оглед на тоа дека станува збор за опасна тема што би можела да доведе до судири, Тачи кратко одговори: „Дефинитивно“.
Тој нагласи дека Србите користат модел што Москва го користеше во Украина и испраќаат луѓе во северниот дел на Косово кои ги вооружуваат Србите со пиштоли и друго оружје, со цел да се заштитат од наводните напади од Албанците.
Уверен во тоа, Тачи го повика Србите во Косово да не станат дел од „националистичката политика на Белград.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот