Светски медиуми: Катастрофалното невреме кое го зафати Скопје e тешко за предвидување

Анализите во светските медиуми покажуваат дека катастрофалното невреме кое го зафати Скопје e тешко за предвидување.

Метереолозите од американскиот Weather Channel објаснуваат дека невремето проследено со обилните врнежи од дожд и град, силниот ветар и енормниот број на електрични празнења, наликувала на бурата која ја зафати Западна Вирџинија, во САД.

-ОВА СЕ СЛУЧУВАЛО ВО ТЕКОТ НА НОЌТА. НАЈПРВО ДА ВИ ПОКАЖЕМЕ КАДЕ ТОЧНО СЕ НАОЃА МАКЕДОНИЈА. МНОГУ ЛУЃЕ СПИЕЛЕ И БИЛЕ ЗАТЕЧЕНИ ОД ВАКВАТА СИТУАЦИЈА. ИЗВРНАЛО НАВИСИТИНА ЗАГРИЖУВАЧКО КОЛИЧЕСТВО НА ВОДА, КОЈА НАПРАВИЛА ОГРОМНИ ШТЕТИ ВО ДОМОВИТЕ. НО НАЈМНОГУ НАСТРАДАЛЕ ЛУЃЕТО КОИ СЕ ДВИЖЕЛЕ ПО ОБИКОЛНИЦАТА. ОВА НАВИСТИНА Е ГОЛЕМО КОЛИЧЕСТВО НА ВРНЕЖИ, МНОГУ ТЕШКО ЗА ПРЕДВИДУВАЊЕ. МОЖЕТЕ ДА ВИДИТЕ И СО КАКВА МОЌ БИЛЕ ГРМОТЕВИЦИТЕ. АКО СЕ СЕЌАВАТЕ ВАКВО СЛИЧНО НЕВРЕМЕ ИМАШЕ И ВО ЗАПАДНА ВИРЏИНИЈА НА ПОЧЕТОКОТ НА ЈУНИ, КАДЕ ШТО ЗАВРНА ИСТО КОЛИЧЕСТВО НА ДОЖД НА МЕТАР КВАДРАТЕН. ТОА Е МНОГУ ВОДА, ЗА ТРИ ДО ЧЕТИРИ ЧАСА ЗАВРНАЛО ДОЖД, ТРИПАТИ ПОВЕЌЕ ОД ШТО ВООБИЧАЕНО ВРНЕЛО ВО ТЕКОТ НА ЦЕЛ АВГУСТ. ЗЕМЈАТА ЕДНОСТАВНО НЕ МОЖЕЛА ДА ИЗДРЖИ ТОЛКУ ВОДА, ИЗЈАВИ ДАНИЕЛЕ БЕНКС (МЕТЕРЕОЛОГ ВО “WEATHER CHANNEL”)

Според метереолозите на CNN, земјата едноставно не можела да издржи таква бура, проследена со обилни врнежи и силен ветар кој што се движел и со 80 км на час, која што го зафати северозападниот дел на Скопје.

И останатите светски медиуми, како BBC, CBS, Telegraf, пишуваат дека е многу тешко однапред да се предвидат ваквите временски непогоди кои што го зафатија Скопје, и поради тоа истите резултираат со многу изгубени човечки животи и големи материјални штети, без оглед на големината или моќта на земјата.