Средба Коѕиас - Нимиц во Луксембруг
Грчкиот министер за надворешни работи Никос Коѕиас вчера во Луксембург имал куса средба со медијаторот Метју Нимиц, соопшти грчкото МНР.
Коѕиас го информирал Нимиц за размислувањата на грчката Влада и за напредокот што е постигнат во областа на мерките за градење доверба.
Според грчкото МНР, Нимиц го информирал Коѕиас за неговите активности и разговорите што тој ги има во контекст на неговиот мандат.
Посредникот на ОН во спорот меѓу Атина и Скопје за името на Македонија Метју Нимиц, неодамна во интервју за телевизијата СКАИ, рече дека очекува по изборите во јуни повторно да се создадат услови за решавање на прашањето за името.
- Кога ќе биде формирана нова влада, верувам дека Атина и Скопје ќе се сретнат со мене и ќе вложиме сериозен напор за решавање на овој проблем, вели Нимиц.
Тој истакна дека миграциската криза го прави уште позначаен моментот за решавање на проблемот, дополнувајќи дека доколку тој беше решен досега двете земји ќе беа партнери во ЕУ и НАТО, а бегалскиот проблем ќе беше надминат поефикасно.
Нимиц искажа и разочараност што имало „празнина“ во решавањето на овој проблем, како и за, како што наведе, повремените груби изјави од двете страни. Сепак, според медијаторот, во последно време тоа е надминато, контактите меѓу претставниците од двете страни се обновени и пронајден е вистинскиот тон за да биде рестартиран преговарачкиот процес.
Ново на Сител
-
Коалицијата „Европски фронт“ поднела тужба пред Управниот суд на решението на ДИК за прегласувањето во Желино
-
Македонските иселеници од Италија благодарни за честа искажана од претседателката Сиљановска Давкова
-
Претрес во Скопје, приведени двајца дилери
-
Мицотакис: Очекувам јасна изјава од новиот премиер дека името е Северна Македонија и ќе го користи во и вон земјата
-
Папата употребил навредлив термин за геј популацијата, Ватикан експресно се извини
-
Царинска управа на Србија: На преминот Прешево спречен шверц на черепи на девет дивокози и од волк
-
Средба на Мицкоски со Мануел Сарацин, потенцирана важноста за реформските процеси
-
Албанските медиуми: Африм Гаши нов претседател на Собранието на Северна Македонија, поддржан од победничката ВМРО-ДПМНЕ