Специјалната јавна обвинителка даде заклетва- за еден месец ќе оформи свој тим
Со полагање на свечената заклетва пред Советот на јавни обвинители Катица Јанева и официјално стапи на функцијата специјален обвинител.
Во своето прво појавување пред медиумите, новата специјална обвинителка им се заблагодари на сите политички фактори за укажаната доверба и вети напорна работа. Од новинарите побара денеска да не и поставуваат прашања.
Јанева доаѓа на местото специјален обвинител по политичкиот договор од скопско Пржино. Таа ќе има задача да ги истражи прислушувањата и случајот Пуч.
Избрана е на предлог на Собранието со консензус на најголемите политички партии и меѓународниот фактор.
Ќе има можност сама да ги избере своите помошници од редовите на постојните обвинители.
Нејзиниот мандат ќе трае 4 години со можност за реизбор , а ќе има рок од 18 месеци за поднесување на обвиненија.
-
Александар Спасовски
Сите содржини од овој новинар