„Симпсонови“ ќе стане најдолгото американско ТВ шоу
Со двете нови најавени сезони, анимираната серија „Симпсонови" ќе стане најдолгото телевизиско шоу во САД, соопштија од филмската компанија „Твенти Сенчури Фокс“.
Популарниот анимиран филм за семејството од Спрингфилд започна да се прикажува на телевизијата „Фокс" во 1989, и оттогаш се снимија 28 сезони, односно нешто повеќе од 600 епизоди. Амбицијата на креаторот Мет Гренинг и телевизиската компанија е овој серијал да продолжи најмалку до 2019 година. На тој начин „Симпсонови" ќе ја надмине вестерн сагата „Гансмоук“, којашто имаше 635 епизоди и се прикажуваше од 1955 до 1975 година.
Веднаш по првата епизода, мрзливиот љубител на пивото Хомер, грижливата Марџ, лошкото Барт, генијалката Лиса и бебето Меги веднаш се вброија меѓу најпопуларните цртани ликови. За 26-те години во етерот, серијалот е награден со 32 „Еми“ награди, а во 2012 една од епизодите, беше номинирана и за „Оскар" во категоријата за кратки филмови.
Во епизодите често се појавуваат и ликови инспириани од познати личности од реалноста, како што беше тоа случај со Џорџ Лукас, рок групата „Д Ху", боксерот Џо Фрејзер, шоумените Лери Кинг и Џеј Лено...
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево