Шпанија формира мисии за врска во Грција и Италија за прием на бегалци

Шпанските власти најавија фомирање на две мисии за врска во соработка со Грција и Италија за полесен прием на бегалци.

Целта на Мадрид е да се постигне подобар прием и подобра интеграција во секоја земја членка на ЕУ на десетиците илјади мигранти, кои пристигнуваат секој ден во Европа.

Мисиите ќе работат заедно со амбасадите и конзулатите на Грција и Италија, како и со локални невладини организации, со цел прифаќање на мигрантите, објасни на седница на владата заменикот премиер Сораја Саенс де Сантамарија.

На почетокот на септември владата на Шпанија изрази подготвеност да прифати 14.931 лице, колку што предложи ЕК, плус веќе прифатените 2.749 лица.