СДСМ: Изборите помина во мирна и демократска атмосфера

Социјалдемократскиот сојуз на Македонија вечерва оцени дека изборниот ден поминал во мирна, демократска и достоинствена атмосфера, а граѓаните гласале слободно и без пристисоци.

Генералниот секретар на СДСМ Александар Кирацовски на прес-конференција по затворањето на гласачките места изрази очекување дека сите учесници на изборите, без разлика на изборниот резултат, со своето однесување ќе придонесат да се задржи фер и демократската атмосфера докрај. 

- Уверен сум дека резултатите ќе ја потврдат одлуката на граѓаните за сериозни промени во земјата кои водат кон живот во Македонија. Вечерва победува Република Македонија и нејзините граѓани, рече Кирацовски. 

Најави дека прелиминарните резултати ќе ги објавуваат сукцесивно.

Одговарајќи на новинарско прашање поврзано со шпекулации дека опозициската ВМРО-ДПМНЕ нема да ги признае изборните резултати, Кирацовски истакна дека доколку ВМРО-ДПМНЕ имала какви било индиции требало досега да ги соопшти. 

- Република Македонија по една деценија имаше фер, регуларни и демократски избори. Ако ВМРО-ДПМНЕ и Никола Груевски имале било какви индиции досега, требало да ги соопштат, а за нивната евентуална одлука дали ќе ги признаат изборите, оставаме на нив, нагласи Кирацовски.