САД се повлекуваат од Парискиот договор за климата доколку условите во него не се променат
Белата куќа повторно соопшти дека САД ќе се повлечат од Парискиот договор за климата доколку условите во него не се променат, пренесоа француските медиуми.
„Нема никаква промена во позицијата на САД во однос на Париската спогодба“, изјави вчера портпаролката на Белата куќа, Сара Хакаби Сандерс, во писмено соопштение.
„Како што претседателот повеќепати јасно кажа, САД се повлекуваат, освен доколку не можеме повторно да се приклучиме кон него, но под поповолни услови за нашата земја“, дополни таа.
Овој став беше лиферуван откако весникот „Волстрит џорнал“ го цитираше Мигел Ариас Канете, високо позициониран европски претставник за климата, со ставот дека САД нема „да ја попречат Париската спогодба, туку ќе се обидат да ги преразгледаат условите под кои можат да преземат ангажмани во рамки на актуелната спогодба“, пренесе ДПА.
Канете вчера во Монтреал се сретна со министри од околу 30 земји, за да разгледаат какви чекори да се преземат за примена на спогодбата од Париз од 2015 година.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски