Русија може да ги замени дипломатите протерани од Берлин
Русија може да ги замени четворицата дипломати протерани од Берлин поради наводната вмешаност на Москва во труење на двојниот шпион Срегеј Скрипал и неговата ќерка Јулија во Велика Британија, соопшти денеска Министерството за надворешни работи на Германија.
- Ги прогласивме дипломатите за персона нон грата врз основа на член 9 од Виенската конвенција за дипломатски односи. Тоа нема влијание на бројноста на дипломатската мисија, изјави портпаролот Рајнер Бројл.
На новинарско прашање дали тоа значи дека Русија може да прати нови дипломати како замена, Бројл одговори со - „да“.
Досега 26 земји, меѓу кои САД и 18 членки на ЕУ, наредија протерување на повеќе од 120 руски дипломати по труењето на Сергеј Скрипал, за што Велика Британија ја обвини Москва.
Руски дипломати се протерани и од мисијата на НАТО, а САД најавија дека ќе го затворат рускиот конзулат во Сиетл.
Ново на Сител
-
Приведени две лица во Чашка за поткуп при избори
-
Приведени две лица поради основи на сомнение за поткуп при избори во Чашка
-
САД со визни рестрикции за раководители на бродски компании од Колумбија кои превезуваат нелегални мигранти
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи