Првиот снег предизвика проблеми во Грција
Првиот снег годинава, што од вчера паѓа во Грција, предизвикува разни проблеми во повеќе делови на земјата, јави дописникот на МИА од Атина.
Во северна Грција поради натрупаниот снег беа затворени неколку патишта, а со големи проблеми во сообраќајот се соочуваат и жителите на Солун, каде исто така синоќа беа затворени неколку улици.
Снег вчера падна во речиси сите планински и полупланински предели во северна, централна и јужна Грција, а деновиве се очекува температурите да паднат и под нулата, соопшти Националната метеоролошка служба.
Грчките синоптичари соопштија дека снежните врнежи ќе продолжат и денеска, во сите планински и ридски области во централна и јужна Грција, како и во низинските подрачја во северниот дел на земјата.
Во приморските реони се очекуваат силни бури, воглавно во претпладневните часови, а времето постепено ќе почне да се подобрува од запад кон север.
Поради ниските температури за вечерва се очекува во поголемиот дел од земјата да фати и мраз.
Ново на Сител
-
Николовски: Компресорската станица работи без прекин, клиниките можат да кажат зошто не работат хируршките сали
-
Најмногу слободни работни места во секторот Административни и помошни услужни дејности
-
Мицевски очекува да има двотретинско мнозинство за законските измени за реорганизација на министерствата
-
ГИК: СНС во Белград освои 52 отсо гласови, според ЦЕСИД и ИПСОС во Ниш го нема мнозинството
-
ЈП Комунална хигиена –Скопје за еден месец подигна 1800 кубни метри смет од диви депонии
-
Во 2023 година намален бројот на склучени, а зголемен на разведени бракови
-
Горивата поевтинуваат за половина денар по литар
-
Не помина ниту третиот кандидат за претседател на Уставниот суд