Прва лига: Фени - Струмица за старт на 28.коло

Со натпреварот меѓу Фени Индустри и Струмица што се игра попладнево во Кавадарци ќе стартуваат натпреварите од 28.то последно коло од Првата кошаркарска лига. Почетокот на натпреварот е во 18 часот.

Утре се играат два натпревара од оваа рунда. Работнички во салата „Градски парк“ го пречекува Кожув, додека Бест во Гевгелија е домаќин на Куманово.

Дербито на колото се игра во недела меѓу двете првопласирани екипи на табелата МЗТ Скопје Аеродорм и Карпош Соколи. Почетокот на натпреварот што се игра во СЦ „Јане Сандански“ е во 18 часот. 

Табела: МЗТ Скопје Аеродорм 51 бод, Карпош Соколи 47, Куманово 46, Фени Индустри 44, Кожув 39, Работнички 38, Струмица 32, Бест 27.