Промоција на монографијата „Светлана Антоновска – македонската челична дама“
Во Салонот 19:19 вечер ќе се одржи промоција на монографијата „Светлана Антоновска – македонската челична дама“ во која е опфатен севкупниот период на работењето на истакнатиот општественик, политичар, статистичар и научник од нејзиното рано општествено-политичко ангажирање во седумдесеттите години на минатиот век се до последните години од нејзиниот живот.
За Антоновска ќе говорат поетот Ристо Лазаров, проф. д-р Гордана Сиљановска-Давкова и гувернерот на Народната банка на Република Македонија, Димитар Богов. По повод објавувањето на монографијата, поздравно слово ќе одржи и Апостол Симовски, в.д. директор на Државниот завод за статистика, институцијата во која Антоновска го даде својот најголем влог за државата, како основоположник на современата статистика во самостојна Република Македонија, прв предводник на процесот на трансформација на македонската статистика и втемелувач на европските стандарди во неа.
Промоцијата на монографијата „Светлана Антоновска – македонската челична дама“ претставува одбележување на 65-годишнината од нејзиното раѓање и една година од смртта.
Ново на Сител
-
Тема на денот со отец Горан Стојчевски
-
Верниците го слават Велигден, црквата со порака за национално обединување и надминување на разногласијата
-
Со биење на камбаните најавено Христовото воскресение во Охрид
-
Вообичаен број интервенции на скопската Брза помош за продолжениот празничен викенд
-
Ден на македонскиот јазик
-
Групацијата за осигурување во вторник носи одлука дали ќе ги врати парите за полисите на граѓаните кои платија поскапо
-
Политичарите испратија пораки за мир и спокој на Велигден
-
Парламентарни избори 2024