Променливо облачно со повремен локален дожд

Времето денеска ќе биде променливо облачно со повремени локални врнежи од дожд. Ќе дува умерен до засилен ветер од северен правец, локално над 60 километри на час. Минималната температура ќе биде во интервал од 5 до 11, а максималната ќе достигне од 9 до 16 степени.

Во Скопје ќе биде променливо облачно со повремен локален дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 9, а максималната ќе достигне 13 степени.

Според прогнозата на УХМР,  до среда ќе преовладува променливо облачно време со повремени локални врнежи од дожд.

- Ќе дува умерен до засилен северен ветер (локално над 60 километри на час), а температурата ќе се задржи под просекот за овој период од годината. Од четврток времето ќе биде стабилно и суво со пораст на дневната температура, информира Управата за хидрометеоролошки работи.

МИА