Проект за научно афирмирање на Кокино одобрен од УНЕСКО за НУ Музеј Куманово
УНЕСКО го одобри проектот на НУ Музеј Куманово за научно афирмирање на локалитетот Кокино, информираа одговорните од установата кои за овој проект аплицираа минатата година преку Националната комисија за соработка со УНЕСКО, која пак е дел од Министерството за култура.
Годинава, музејот ќе организира меѓународен симпозиум, ќе публикува трудови и ќе реализира изложба на пронајдените артефакти.
- Првин планираме да организираме меѓународен симпозиум на кој ќе бидат поканети стручни лица кои се занимаваат со проблематиката на Кокино, со практикување на култни места и ритуали во праисторискиот период, изјави директорот на установата, Дејан Ѓорѓиевски.
Идејата е, објасни, симпозиумот да стане традиционален и да ги обедини истражувачите кои се занимаваат со култните места. Во рамки на проектот предвидено е да се одржи и изложба на која ќе бидат презентирани пронејдените артефакти од Кокино, пропратена со изработен каталог.
- Она што е исклучително важно е публицирањето на трудовите кои беа прочитани минатата година, посветени токму на оваа проблематика на Кокино,на обредите и ритуалите кои се практикувани, како и трудовите од астрономски аспект, изјави Ѓорѓиевски.
Публикацијата се подготвува оваа година, по што ќе следи рецензија, превод на англиски јазик за да биде достапна на меѓународната јавност, а ќе биде објавена наредната година, додека меѓународниот симпозиум планирано е да се одржи во првата недела од октомври. Донацијата од УНЕСКО е во вредност од 22.000 долари.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп