Продолжува собраниската дебата за Закон за употреба на јазиците
Собраниската Комисија за европски прашања денеска треба да ја продолжи седница на која се расправа за Предлог законот за употреба на јазиците, во прво читање.
Со законот се предвидува во сите органи на државната власт во Република Македонија, централни институции, јавни претпријатија, агенции, дирекции, установи и организации, комисии, правни лица кои вршат јавни овластувања согласно закон и други институции, службен јазик покрај македонскиот јазик и неговото писмо да биде и јазикот што го зборуваат 20 проценти од граѓаните на Република Македонија и неговото писмо, (албански јазик).
За предлагачот и пратениците од мнозинството, законот е дел од патот на евроатлантските интеграции на Македонија и на никаков начин не го нарушува ниту Уставот, ниту унитарниот карактер на државата.
За пратениците од опозицијата, пак, тој е противуставен зошто, според нив, говори и фактот што се носи со европско знаменце, иако нема никаква европска регулатива со која се усогласува и тој ќе донесе само дополнителни поделби, а не кохезија во општеството.
Во Законодавниот дом денеска седници ќе одржат и комисиите за здравство и за труд и социјална политика.
На дневен ред на Комисијата за здравство е Предлог - законот за изменување на Законот за медицинските студии и континуираното стручно усовршување на докторите на медицина, по скратена постапка во второ читање.
Членовите на Комисијата за труд и социјална политика ќе ги разгледаат Предлог закон за дополнување на Законот за исплата на платите во Република Македонија, Предлог законот за материјално обезбедување на невработените лица поради приватизацијата на претпријатијата со доминантна сопственост на државата и Предлог законот за изменување и дополнување на Законот за минимална плата во Република Македонија, сите по скратена постапка во второ читање.
Ново на Сител
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o
-
Две лица се здобиле со тешки телесни повреди при извршување работни задачи
-
Двојно убиство попладнево во скопско Стајковци
-
Анкета на ИРИ: 68% од Македонците поддржуваат членство во ЕУ
-
„Епл“ ги претстави новите „Ајпад про“ таблети
-
„Опен-АИ“ со новости околу „Чет-ГПТ“