Поповска се откажува од добитното место на пратеничките листи
Претседателката на ДОМ Лилјана Поповска денеска соопшти дека ќе се откаже од добитната позиција на пратеничката листа на опозициската коалиција предводена од СДСМ.
Поповска, која е ставена на четвртото место во втората изборна единица на коалицијата, во соопштение образложи дека не сака функција по секоја цена, ниту, како што наведува, да послужи за сеење семе на раздор во демократската опозиција.
- Уште денес ќе му предложам на Извршниот одбор, а потоа и на Централниот одбор на ДОМ да ја прифати мојата одлука и моето образложение. За ова ќе го известиме секако СДСМ како коалиционен партнер. ДОМ има одлични кадри и сигурна сум дека на тоа место ќе влезе личност која доследно ќе се бори за демократските принципи, истакнува во сопштението Поповска и додава дека ќе ги повика истото да го сторат членовите и симпатизерите на ДОМ.
Според Поповска, сега, непосредно пред парламентарните избори, е време за единство и за искрена посветеност на борбата за демократизација на земјата.
Ново на Сител
-
Албанската полиција почна контрола на целата територија и државната граница со беспилотни летала
-
Едно лице загина, повеќе се повредени на лет од Лондон кон Сингапур по големи турбуленции
-
Михаил Гацов освојува злато за Италија и сонува да се бори за Македонија
-
Директорката Иљази им забрани на вработените да даваат изјави за медиумите
-
Безживотно тело на маж извлечено од водите на Вардар во центарот на Скопје
-
Земјоделци од селата Иловица и Штука го блокираа патот заради ниските откупни цени на младиот компир
-
Намален бројот на превезени патници во патниот сообраќај во првиот квартал
-
Денеска и утре нестабилно со пороен дожд