Почнаа подготовките за „Штипската пастрмајлијада“
Во Штип денеска почна поставувањето на бината за манифестацијата „Штипска пастрамајлијада“, која почнува во петок, а завршува во недела. Кирил Панајотов советник во Општина Штип на денешната прес-конференција истакна дека како организатори се подготвени, а очекуваат и голем број на гости кои ќе го посетат градот Штип, со цел да го вкусат познатиот штипски бренд, но и да се забавуваат со познатите музички имиња од Македонија и соседните земји.
- Подготвени се веќе шемите за тоа како ќе бидат поставени штандовите на над 35 угостители и очекуваме дека утре веќе завршно ќе бидат поставени, а со тоа ќе започне и изменетиот сообраќаен режим на овој простор, вели Панајотов.
Портпаролот на општина Штип, Драган Ристов, вели дека програмата на манифестација почнува од 19 часот, кога познатата штипска фирма „Макпромет“ ќе ја престави џиновската пастрмајлија, по што гостите ќе можат да уживаат во настапите на Градскиот хор, Сузана Спасовска, групите од Србија и Бугарија „Галија“ и „Кикимор“.
- Во сабота започнуваме со Есмаз бенд, потоа следуваат „Дивље јагоде“ и Лепа Брена, а во недела музчиките точки исто така започнуваат во 20 часот со настап на „Тоа е тоа“ една рок група составена од врвни музичари, постоа следи настап на Тања Савиќ и на крајот следи настапот на хрватската звезда Јелена Розга, вели Ристов.
Гостите и туристите кои се очекуваат да пристигнат од земјава и странство ќе имаат организирани паркинзи за своите возила, а во централното градско подрачје во текот на манифестацијата нема да се наплаќа паркинг просторот. Општина Штип како организатор на „Штипската пастрмајлијада“ има голема помош од полицијата и од двете јавни претпријатија.
Согласно буџетот општината за оваа манифестација има предвидено околу два милиони денари, а главен покровител е фирмата „Скопско“. Цената на пастрмајлиите кои ќе се продаваат на штандовите е 120 денари и угостителите мора да се придржуваат на стандардите кои веќе ги имаат утврдено организаторите.
Ново на Сител
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција
-
Лога: Непочитувањето на уставното име на државата ја прави ништовна заклетвата на Сиљановска
-
Татко пријавил дека му било испратено видео материјал од физички напад на неговата ќерка
-
Фон дер Лајен: Патот на Северна Македонија кон ЕУ да продолжи со спроведување на реформите и почитување на Преспанскиот договор
-
Силјановска Давкова не кажа „Северна“ при заклетвата во Собрание
-
Силјановска-Давкова ја презеде претседателската функција од Стево Пендаровски